Sonntag, 19. Juni 2016

RTK

Të këndoftë zemra,o Gëzim Kodraliu!

Gëzim Kodraliu
























Ka kohë që në kokë me është ngulitur një mendim, së mergata shqiptare është një "inkubator" ku ruhen dhe kultivohen më fanatizëm traditat dhe vlerat kombetare.
Këtë mendim ma forcoi akoma më shumë përsonazhi qe po ua prezentoj,rapsodi Gëzim Kodraliu.

Djaloshi  nga Javori (komuna e Therandës) Gëzim Kodraliu, si shumë bashkmoshatar dhe bashkatdhetar te tij qe në vitet e '90 dëtyrohet te braktisë vendlindjen dhe te marrë rrugët e botës. Gëzimi bashkë më ëndërrat për një jetë më te mirë  me vete mori edhe dashurinë e parë - çiftelin dhe këngën.

Dashuri kjo që i kishte lindur qysh kur ishte fëmijë , duke dëgjuar rapsodët e kohës ,tek këndonin nëpër dasma dhe ahengje te ndryshme,në oda. Qysh si fëmijë më fanatizëm mëson përmendësh shumë këngë (histori)  te atdhetarëve qe në kohë të ndryshme ia kthyen pushkën pushtuesve te trojeve tona.
Por Gëzimi iu këndon edhe trimave te tre Luftërave Clirimtare te fundit, që u zhvilluanë në trojet tona. Duke bashkëpunuar më shumë tekstshkruas dhe në shumë këngë është kantautor.

Edhe pse kohëve te fundit jemi dëshmitarë te degradimit te vlerave kulturor ne përgjithësi, kurse te këngës në veqanti, ku shumica e këngëtarve (për përfitime materiale) këndojnë muzikë komeciale - tallava, rapsodi Gëzim Kodraliu për asnjë qast s'e tradhtoj këngën e mirëfillt shqiptare. Edhe këtu në Itali me dashuri te madhe këndon këngë trimërie por edhe arshikie te përcjellura me telat e ciftelisë.

Këngëtari Gëzim Kodraliu deri me tash ka nxjerrë disa audiokaseta dhe shumë këngë i ka te pulikuar në Youtube. Gëzimi, bashkpunon më radion "Zëri i Arbërit" në Norvegji, me emisionin "Më thesarët e odave shqiptare" për çka e falendëron nga zemra redaktorin Imri Trena ,për hapësiren qe ia jep. Kohëve te fundit është duke përgatitur edhe një album qe pritet te nxjerrë gjatë pushimeve të kësaj vere.


Në fund edhe ne po e përmyllim këtë prezentim te shkurtër, më urimin ma te shpesht qe e merr sa herë këndon: TË KËNDOFTË ZEMRA GJITHMONË,O GËZIM KODRALIU !


Agim DRENICA


Samstag, 27. Februar 2016

A u shitën deputetet dhe cili ishte çmimi?

Nga Haxhi Muhaxheri

          Katermbdhjete deputet qe ndryshuan mendjen dhe votuan per Thaçin President, per interesa personale shiten veten dhe nderin e tyre. Ata mbushen xhepat, por edhe ia moren fytyren vetit. Kjo do te jete arsyeja qe elektorati i tyre nuk do t'ua jap me kokrren. Po a mund ti besohet me sojit te Arben Gashit i cili deklaron publikisht ne media se do te marre pjese ne seance, por nuk do ta votoj Thaçin per president, kurse me vone kuptohet se jo vetem qe ka votuar per Thaçin, por nje gje te till e ka bere pa fijen e turpit.

          Po pse nderruan mendje kaq shume deputet? Çka i shtyri ata qe te nderrojne mendje? E ben kete pse u shantazhuan apo pse vendosen te pasurohen, duke shitur voten e tyre ne çastet e fundit, sepse vetem athere çmimi i shitjes se votes ishte astronomik? A qendron fakti se për blerjen e votave jane angazhuar edhe ish agjentet e SHIK-ut, me qellim qe ti hapej rruga ardhjes se udheheqesit te tyre ne krye te PDK_se? Po cili ishte çmimi i blerjes se nje vote. A eshte e vertete se nje vote e blere ka kushtuar nga 100 mije deri ne 500 mije euro?

         Nese deputetet vertete jane blere deputetet bashke me votat e tyre, athere vetvetiu shtrohet pyetja se nga erdhen ato para te pista apo ç'fonde u keqperdoren per blerjen e votave? A mos valle votat jane blere me para te ardhura edhe nga donatoret qe e kane financuar apo e financojne terrorizmin? A kishin dore ne kete pune te flliqte edhe njerezit e ligj qe ju sherbejne ineteresave te huaja dje cilet ishin ata?...

          Këtyre dhe shume pyetjeve tjera mund t'u japin pergjigjen veç sherbimet intelegjente te shteteve mike qe ia duan te miren Kosoves. Presim dhe shohim. Mbase shume shpejt kan per tu kuptuar veprimet e liga dhe shkaqet e verteta qe i ben deputetet ta nderrojne mendjen per ta votuar Thaçin per president, duke ren ndesh kesisoj me deklaratat e tyre publike se nje gje te till nuk kane per ta bere kurr...

27. 02. 2016

Freitag, 26. Februar 2016

LDK-së dhe të tjerëve, urime presidenti që e meritoni!

Opinion nga Haxhi Muhaxheri

          Pikësëpari dua t'ja uroj zgjedhjen e Hashim Thaçit për president ish kryetarit të LDK-së z. Fatmir Sejdiu, sepse ai duke larguar nga lista ish njerezit me besnik të Ibrahim Rugoves, për hater të Hashës të cilin e kishte ftuar special për të qenë prezent në kuvendin e partisë, në kuvendin që do të pëgjakej, për ta parë me sytë e tij realizimin e skenarit të zi për shkatrrimin e LDK-së. Mëpastaj urimi iu takon të gjithë deputetëve të ish-partisë së Rugovës që që më devotshmeri e servilizëm i qëndruan besnik porosisë së kryetarit të tashëm të partisë, komunistit Isa Mustafa, që t'ja japin kokrrat Thaçit. Një urim special i takon doemos edhe Tetutës, bijës mendjelehtë të presidentit historik qe me dorën e vet ia dha Hashimt kokrrën bashkë me lule!

          Po kënd tjetër duhet uruar? Kush tjetër ka kontribuar në focimin e pozitës politike të çunit të Brojës? Për zgjedhjen e Hashim Thaçit për president duhet uruar gjithësesi edhe Rambon, sepse ai u mashtrua keq nga tepihi i kuq qe ia shtroi Thaçi kur ai u këthye nga Haga. U tregua mendjelehtë, u mashtrua dhe përkrahi të gjitha bëmat e Thaçit. Rambo para dite e vizitonte varrin e presidentit Rugova, vendoste lule dhe mepastaj jepte dekarata per media duke thën: "Ne jemi duke punuar për rrezimin e Qverisë Thaçi!", kurse pas dite deputet e partisë së tij votonin për miratimin e të gjitha ligjeve që sjellte në Parlamet Qeveria e Thaçit! Prandaj, urime Ramush zgjedhja e Hashim Thaçit për president!

          Një urim për zgjedhjen e Thaçit për president patjetër i takon edhe Albin Kurtit, athere kur më së shumti duhej peshuar fjala publike, dekaroj se "Shqiptaret nuk e duan Amerikën...!" Mjafton një deklaratë e pa matur që ta kesh kundërshtar fuqinë me të madhe të botës dhe shërbimet intelegjente të atij vendi. E po ta kesh kundërshtar Amerikën, do të thotë duhet të pëgatitesh për ta provuar shijën e humbjës.

         Po a ka edhe të tjerë që duhet uruar për zgjedhjen e Thaçit president? Patjetër se ka mjaft, bile edhe nga ata që e kanë gojën përplot me rugovizëm dhe që lejuan LDK-në të arrij në këtë gjendje që është sot. Duhet uruar patjeter edhe akadameiket Nexhat Daci e Sabri Hamiti. Duhet uruar edhe shumë tjerë që i dalin në mbrojtje komunistit Isa Musatafa që me disa sejmen të tij e ka zaptuar LDK-në për t'ja dhën asaj goditjen e fundit dhe për ta quar drejt humbjës së elektoratit.

26. 02. 2016

Samstag, 6. Februar 2016

Vargje nga Agim Gashi


PËRSRI ME YLL´ T´MËNGJESIT

Sot përsri me Yll` t`mëngjesit
Ditën bashkë po e përcjellim, 
Në kurbet midis Evrope
Rranjet lotëve po ua nxjerrim.

Dhimbja e malli kurr s´u ndanë
Nji jetë bashkë po e kalojnë, 
N´sharki gishtat kurr s`u ndalen
Për nanë e atdhe sa mirë lodrojnë.

T´falemnderit o Zoti i qiellit
Që ma dhe mundsinë përsri, 
Me i këndu nanë e Atdheut
Me i dridh telat në këtë sharki.

Lozni, lozni ju gishta plage, 
Dridhuni tela e dridhu jetë, 
Këndoni dhimbjeve e krenarisë,
Për këtë kohë sa na ka mbetë.

Digjet shpirti e djersë gufojnë
Bashkë me lotë përzi nji jetë, 
Përveç kanges edhe vajit
Asgja mu nuk më ka mbetë.

Qysh nga viti gjashtdhetetetë, 
Plumbi i pare në trup kur m´ra, 
Kurr su ndala për atdheun
Nji ditë t´bardhë kurr pa e pa.

Kanë kalu disa dekada
Atdheu psoi shumë ndryshime, 
E derdh gjak, u hapen varre, 
Prap lëngon kjo zemra ime.

Qaj moj zemer, qaj e vuej, 
Por jo kurr me u ba e huej, 
Qaj moj zemer pa fole
Digju, kallu për atdhe.

05.02. 2016




BOTA GOMARESKE
(Satirë e „ëmbël“)

Një ditë unë dola
Në pyellin për karshi,
Të takohem me shatzët
E pak të bëj sheti.

Takova ca egërsira 
Po me pak rrezik,
Të gjithat më bënë nder
E më quanin mik.

Njëfarë kodosh luani 
Më priti me bujari,
Më luti t´ua këndoj
Një këngë me sharki.

Me vullnet u këndova 
Sa buçiste mali, 
U shtuan spektatorët 
Dhe qanin nga malli.

E mbarova këngën 
Sa shumë më falenderun, 
Uthulla, murriza e kulumria
Në sofër më shtrun.

Më përshëndetën bujarisht 
Nga habia mbeta pa gojë,
Atmosferë e pa parë
Për shtazët kur këndoj.

Duke u kthyer nga pyelli 
Për me shku n´shtëpi, 
Më priti bilbili 
Me një befasi.

Seç ishin tubuar 
Një grumbull gomar, 
Sa shumë më kritikuan
E më bën prrallë.

Ti këngëtar i marrë 
Që i bie sharkisë, 
Pse s’këndon ndojherë
Për shtazë të shtëpisë?

Dashtë e pa dashtë 
Për të mos u bërë prrallë, 
E fillova këngën
„O pashallarë gomar“.

U knaqën gomarët 
Për trimëri t´pa parë, 
Për fisin e tyre
Gomarët pashallarë.

Pastaj mori fjalën 
Më veshgjati gomar,
Shihej se ai ishte
Gomari Kryetar.

Dëgjo, më tha “kryetari” 
Ore këngëtar beqar, 
A pranoni të ndërrohemi
Ne në njerz e ju në gomar?

Keq ju po jetoni 
Dhe shumë të përçarë, 
Provojeni njëherë ju njerëzit
T´jetoni si gomar.

Me hipnozë gomarësh 
Më kishin sulmu, 
Dhe mizat e kalit
Kah smi kishin lëshu?

Më zuri belaja
S‘di sa kisha fjetë,
Kur u zgjova i shkreti
Ishte tjetër jetë.

II 
Fillova të shetis 
Në gjithë boten mbarë,
Askund më s‘kishte njerëz
Bota u mbush gomarë

Gjithkund flitej një gjuhë 
Ajo gomarisht, 
Përshëndeteshin me hundë 
Por edhe me bisht.

Në vend të kuzhinave 
Ku dikur hahej buka, 
Tani u bënë grazhdet
Me sane, ferra e fruta.

Në vapen e madhe 
Freskoheshin me bisht, 
Tani edhe Zotit i luteshin 
Vetëm magarisht.

Jeta magarishte 
Sa hyri në modë,
Nuk pihej alkooli
As s´përdorej drogë.

Çdo javë në TV 
Kudo si të parë, 
Me fjalime të zjarrta shiheshin
Presidentët gomar.

Të gjithë e dëgjonin 
Gomar e gomresha,
Kur butësisht u fliste
Veshmadhja mbretëresha.

S‘kishte më varreza 
Su shkonin përdore, 
Çdo gomar i ngordhur 
Bëhej përmendore.

Në Universitete të ndryshme 
Për student gomar, 
Rektor gomari
Qëndronte në vend të parë.

Ushtri e gomarëve 
Të shtinte frikë, 
Armët e rënda
Patkonjët çelik.

Mjekët kishin punë 
Kur mbushej pazari, 
Kur rreptas sulmonin 
Mizat nga kali.

I rrokte alergjia 
Kërcenin përpjetë, 
Kunder mizave t´kalit
Ilaç kurr su gjet.

Kur vinte vikendi 
Gomarët me xhymleka,
Shkriheshin tërë natën
Nëpër diskoteka.

Hej botë mizore 
Moj botë e shkretë,
Të robruen gomarët
Njerëzit ku kanë tretë?

Të robruan pa mëshirë 
Ta prishën bukurinë, 
Ku po shkon kjo botë
Në krye me gomarinë?

Si po dridhet toka 
Dhe godet tcunami, 
Mbaroi njerëzia 
Thonë se u bë nami.

Jeta gomareske 
Ligje të ashpra kish, 
Rraheshin fajtoret
Me shqelma e bisht.

Bile kundershtarë 
Ata politik, 
I hanin me dhëmbë
I vrisnin tinzisht.

III 
Bota u ndryshue 
Na humbi njerzia, 
Sistemi politik
Buron nga gomaria.

Bëheshin kudo zgjedhje 
Fushata elektorale, 
Si valë rritej vjedhja 
Në formë tenderiale.

Shqelmohej kundershtari 
Pallshin me zë të lartë, 
Cili do të ishte i pari
U bë gjë e qartë.

Kudo vidheshin votat 
Sikur te njerzia, 
Këtë ves të keq 
A la-gomaria.

Luftë e madhe bëhej 
Për Kryeministër, 
Kush kundershtonte
E rrahnin kapistër.

Mbusheshin parlamentet 
Përplot me gomar, 
Hej moj botë e shkreta
Se qu bëre prrallë.

Në krye të shtetve 
Zgjidheshin të rrallë, 
Ata më veshgjatit
President gomar.

Kishin privilegje 
Gomarët n´udhëheqësi, 
Gjithmonë grazhdat plot
Shumë lloje taxhi.

Kur mbante fjalim 
Veshgjati kryetar, 
Ngrihej përnjëheri
Gomaria mbarë.

Kështu kalon jeta 
Kudo harmonia, 
Në boten mbarë 
Sundon hajvania.

Edhe sa do zgjasi 
Kjo botë gomari?
Pa u zgjue nga gjumi 
Me tregu nuk di.

Düren, 2012



DASHURI MBI DASHURI

Kur të putha për herë të parë
Mu duk se po fluturoja
Preka unë buzë të ëmbëla
Nga dashuri e sinqert lotoja
Më kaploi e më dogji malli
Për buzë bjeshke e buzë mali
Aromë pjeshke aromë qershie
Buzë atdheu buzë Drdanie
Buzë magjike Arbërie

Të njoha në mërgim
Diku n`mes të Evropës
U betove për dashuri
Pos shqiptarit nuk shti në gji
T´u shetitë pranë lumit Rur
Me zë të ëmbël më propozove
Eja the t´shkojmë Monchaut
Ta shijojmë freskinë e malit
Puthemi me afshin e dashurisë
Të na shef syri Arbrisë

Morëm rrugën Monchaut përpjetë
Me nga një flamur në gji
Për Kosovë e Shqipëri
Për dashuri për Arbëri
Kapërcyem prroje e kroje
Kapërcyem fusha e livadhe
N´gjuhën shqipe e lutnim Zotin
Bashko o Zot zemra mërgimtare

N´mesnatë prekëm majen e Monchaut
Shpalosëm flamujt vetëm kuq e zi
Për një dashuri për Arbëri
U puthëm gjatë – agimi ka mbërri
Ne u bëmë shkëmbë e buzët tona gur
Të puthur gjithmonë mos me u nda kurr
Gufon dashuria n´male fushë e arë
Kur të bëhet bashkimi kombëtar

Kështu kalon jeta me ëndërra mërgimtare
Për atdheun tone të mbjellur me varre
Për këtë cope atdheu që mbeti nga liria
Për ta bërë bashkë flijohet dashuria
U flijue jeta gjaku derdhej rrëke
O shqiptar i mjerë një atdhe e ke
Pse jemi kështu se duam vetëveten
Dikush vjedh atdheun dikush ja fal jeten

21.07.2014

Mittwoch, 13. Januar 2016

Veç Isa Mustafa, i ka 100 fryra!

Vargje me spec nga Agim GASHI

O Isa Mustafa
zemër komunisti,
hajt tregoj Kosoves,
ku asht tre përquindshi.

Kur ishe minister
luftove Rugoven,
po çka dreqin ke
tash me diasporen.

Ke zanë nji parti
sa me shit kopalla, 
a mos ta zu diellin
ty Donikë Gërvalla?

Komunist i vjetër
me pushtet në dorë.
mos e mbaj kurrë n'goje
fjalen diasporë.

Se kjo goja jote
nuk ia qëllon hiq, 
zemrat e Kosoves
në mërgim i flliq

Se kur je në zor
me tu nxe ty dora,
del e thu pa marre:
Na rrnofte diaspora!

Ne këtë botë të lume
ba me ngjyra ngjyra,
veç Isa Mustafa
I ka 100 fryra.

Düren, 25.06.2015

Freitag, 8. Januar 2016

Pozitë e opozitë, të dyja te një kazani!

Opinion nga Haxhi Muhaxheri

/Fran Tanushi: Një Qeveri që nuk e do askush..., nuk mund dhe nuk duhet të ndërrohet nga një Opozite që s'dërgon askund!/

Po të ishte thirrur protesta neserme nga organizatat joqeveritare, jam i bindur se do të kishte shumë pjesemarrës. Por pak kush është i interesuar për te kërkuar ndryshime qe në pushtet të vijnë pashallarë të tjerë, qe para së gjithash e kanë interesin e kapjes së shtetit.

Pa dyshim, gjendja e sotme politike është e pa durueshme. Komunisti Isa Mustafa duhet ta liroj jo vetëm postin e kryeministrit, por edhe detyrën e të parit të LDK-së. Kurse i padijeshmi Hashim Thaqi, duhet të mos bëj serish përpjekje e dredhi për të mbetur me forcë në skenën politike dhe për ti sjell edhe më shumë të kqija shtetit të Kosovës.

Thaqi e Mustafa e kanë berë bërllog dhe patjeter duhet te ikin. Por pastaj vetvetiu shtrohet pyetja se kush duhet të vij pas tyre? Kush janë krerët e opozites së sotme? A e meritojnë ata qe të vijnë në pushtet? A ka përbrenda opozitës individ të korruptuar, persona me të kaluar kriminale, njerëz qe u vën haraq të tjerëve, persona që kanë krijuar lista e kanë dhën urdher për likudimin e kundërshtarëve politik e njerëzve të pafajshem...? 

Opozita, për ta fituar të drejten qe të kërkoj besimin e elektoratit për të ardhur në pushtet, para së gjithash, duhet qe ti pastroj radhet e veta. Por, opozita e sotme nuk e ka ketë mundësi, sepse udhehiqet nga dora e fortë e atyre që sot janë në krye të partive opozitare.

Ndaj, kjo është arsyeja që sot qytetaret e Kosoves nuk i besojnë më pozitës e as opozites, sepse siç thonë ata;  të dyjat janë te një kazani, te dyjat udhehiqen nga njerëz joserioz, të luhatshem e me gjynahe te njëjta...

Për ketë arsye, është nevoje parësore dhe domosdoshme e kohës qe të ikë komplet kasta e sotme politike, pozitë e opozitë, në mënyrë qe të krijohet mundesia për ndryshime që sjellin prosperitet të gjithanshëm, për ndryshme te njëmendeta qe të shpetojmë njëherë e përgjithmonë nga të këqijat qe i ka sjell kjo kastë politike e Kosoves. Vetëm kësisoj do të mundësohej ardhja e forcave të reja politike, e njerëzve të rinj me vizione të qarta që duan të kontribuojnë për një Kosovë ndryshe, për një shtet ku kriminelet nuk do të jenë më te fortë se ligji, për një shtet qe u siguron qytetarëve të vet jetë të sigurtë dhe të dinjitetshme.

Prandaj lirisht mund të themi se kjo është koha e fundit kur moralisht jemi të thirrur për ti thën gjerat troç, ashtu di duhet dhe si janë. Përndryshe, dikur do të jetë teper vonë dhe përgjegjës e bashfajtorë për gjendjen e krijuar mund të jemi edhe vet.

PS: Autori nuk është anëtarë i asnjë organizimi politik.

08.01.2016